Heyrst hefur

....að Rakel Ögmundsdóttir hafi slitið liðbönd í hné á æfingu með liði sínu Philadelphia Charge í bandarísku atvinnumannadeildinni. Hún mun því líklega ekki spila meira á þessu tímabili.
 

....að Grindavík sé búið að fá eina bandaríska til liðs við sig, Amaöndu E. Pietila, til viðbótar við þá bandarísku sem spilaði með þeim seinasta sumar...
 

....að ein af Stjörnustelpunum sé að fara að gifta sig í sumar, 2002...
 

....að formaður einhleypingafélagsins sé genginn út!...
 

....að Valdi vilji fá að kíkja á myndirnar okkar í á næstu æfingu. Endilega komið með myndirnar. Hann er að leita að myndum til að setja í garðapóstinn þannig að þið skuluð geyma allar grófu myndirnar...Sigga mátti sleppa því að koma með sínar..  :)

...að allir eiga að koma með myndir á næstu æfingu annars verði refsing... kannski sprettir að hætti Palla..  :)

...að FH-ingar séu að leita sér að norskum leikmönnum fyrir komandi tímabil...

...að ÍBV hafi haft áhuga á því að fá Justine Lorton sem lék með Stjörnunni seinustu tvö sumur til sín fyrir komandi tímabil en hún gaf neikvætt svar þar sem hún verður upptekin með landsliði Englands hluta úr sumri...var það ekki bara afsökun hjá henni, við vitum jú að Justine er með hjartað á réttum stað... ;)
 

...að næsta bók Þorgríms Þráinssonar seljist í að minnsta kosti 19 fleiri eintökum en seinasta bók hans.
 

...að Árdís hafi mikinn áhuga á að ganga til liðs við tóbaksvarnarnefnd en hún notaði tækifærið eitt kvöldið og kreisti úr Þorgrími alla þá vitneskju um skaðsemi reykinga eins og hún gat.

...að eitthvað þunnskipað hafi verið á æfingum að undanförnu vegna veikinda og í dag hafi þjálfarinn sjálfur veikst.
Því var ákveðið að gefa liðinu tveggja daga frí (í miðri viku!) til safna kröftum og ná sér upp úr veikindum eða byggja sig upp gegn þeim. Ekki er hægt að segja að Þessu fríi hafi verið mótmælt af hörku.

...að Rakel Björk Ögmundsdóttir hafi tvöfaldan ríkisborgararétt, íslenskan og bandarískan, og sé því ekki 'útlendingur' í bandarísku atvinnumannadeildinni en baráttan um 'útlendingasætin' var afar hörð eins og landsliðsfyrirliðinn fékk að kynnast. Að sjálfsögðu munum við þó alltaf tala um okkar íslensku Rakeli þegar fjallað verður um hana í atvinnumannadeildinni! :)

...að þjálfari Rakelar Ögmundsdóttur hjá Philadelphia Charge sé að nota hana sem vinstri bakvörð eða vinstri kant. En eins og flestir vita hefur hún vanalega spilað sem framherji. 
Er liðið hennar nú að æfa tvisvar á dag í bæ við ströndina í Californiu, um klukkutíma frá San Diego. Eftir tvær vikur mun liðið svo færa sig um set til heimaborgar liðsins, Philadelphiu, en fyrsti leikur þeirra er útileikur 22. apríl gegn San Diego Sprit.

...að Rakel Logadóttir, leikmaður Vals, sé á leiðinni út til Bandaríkjanna að kíkja á tvo skóla í mars. Fyrst mun hún kíkja á University of North Carolina, Greensboro og viku seinna á Seton Hall University í New Jersey. Nokkrir íslenskir knattspyrnumenn hafa verið í UNCG og má þar nefna Sigurð Ragnar Eyjólfsson atvinnumann í Belgíu og Hilmar Björnsson. Seton Hall liðið er þekkt fyrir að hafa verið með Kelly Smith, landsliðskonu Englands, innanborðs fyrir 2 árum en hún er einmitt að fara að taka þátt í atvinnumannadeildinni þarna fyrir vestan, en einnig verður hún aðstoðarþjálfari hjá Seton Hall.

...að lið Grindavíkur ætli sér að styrkja lið sitt með þremur útlendingum í sumar, tveimur Könum og einni frá Svíþjóð.

...að Imba (Ingibjörg) Skagamær sé tekin við þjálfun meistaraflokks og 2. flokks kvenna ÍA, einungis 23 ára gömul. Imba æfði um tíma í vetur með Eyjastelpum en hefur nú ákveðið að fara ekki af Skaganum.

...að nokkrar fríðar Grindavíkurstelpur muni taka þátt í næstu keppni um Ungfrú Suðurland. Munu þær væntanlega sýna þar nærstöddum að fótboltaiðkun geri stelpur ekki ókvenlegar.. 

...að nýir fréttaritarar séu teknir til starfa hjá Stjörnusíðunni. Þeir verða kynntir betur síðar.