Búið er að tilkynna hópinn sem mun taka þátt í vináttuleiknum við Svía 4. maí n.k. Einn nýliði er í hópnum, Elín Anna Steinarsdóttir, og Margrét Ólafsdóttir kemst ekki með vegna meiðsla og kemur Laufey Jóhannesdóttir því í staðinn, en hópurinn er eftirfarandi:

Þóra Björg Helgadóttir KR María Björg Ágústsdóttir Stjarnan Elín Anna Steinarsdóttir Breiðablik Eva Sóley Guðbjörnsdóttir Breiðablik Guðlaug Jónsdóttir Bröndby Erla Hendriksdóttir Frederiksberg Katrín Jónsdóttir Kolbotn Ásdís Þorgilsdóttir KR Ásthildur Helgadóttir KR Edda Garðarsdóttir KR Elín Jóna Þorsteinsdóttir KR Guðrún Sóley Gunnarsdóttir KR Olga Færseth KR Ásgerður Ingibergsdóttir Valur Laufey Jóhannesdóttir Valur Rósa Júlía Steinþórsdóttir Valur

 Elfa Björg Erlingsdóttir og María Björg Ágústsdóttir eru á leiðinni til Bandaríkjanna í nám næsta vetur. Elfa Björk er á leiðinni til Tennessee ríkis þar sem hún mun stunda nám og spila fótbolta fyrir University of Tennessee - Chattanooga. María Björg fer til Boston, Massachusetts þar sem hún mun, eins og Elfa, stunda nám og spila fótbolta fyrir Harvard University.
Elfa Björk fer út um miðjan ágúst en María Björg um miðjan júní.
 

 Auður Skúladóttir hefur verið ráðin aðstoðarþjálfari Jörundar Áka Sveinssonar hjá U21 landsliði kvenna. Mun Auður stýra liðinu á Opna Norðurlandamótinu sem fer fram í lok júlí í Finnlandi þar sem Jörundur Áki kemst ekki vegna anna á sama tíma með lið sitt, karlalið Breiðabliks.
 

 Valur sigraði Reykjavíkurmótið þar sem það var með besta markahlutfallið. Valur, KR og Stjarnan voru jöfn stigum með 6 stig í efsta sæti en Breiðablik rak lestina með 0 stig. Úrslit leikja Stjörnunnar urðu:

Valur 4 - 1 Stjarnan
KR 1 - 3 Stjarnan
Stjarnan 2 - 1 Breiðablik
 

 Stjarnan hefur nú spilað 4 leiki af 5 í B-riðli deildarbikarsins. Urðu úrslit eftirfarandi:

Stjarnan 3 - 1 Þróttur Reykjavík
Valur 11 - 1 Stjarnan
Stjarnan 8 - 0 RKV
Stjarnan 3 - 2 ÍBV

Næsti leikur er við ÍA 1. maí n.k.

Stjarnan er nokkuð örugglega komin í undanúrslit þar sem liðið mætir liðinu í fyrsta sæti A-riðils sem er KR.
 

 Laugardaginn 16. mars næstkomandi, milli kl. 14:00 og 17:00, verður haldin kynning á kvennaknattspyrnu í Vetrargarðinum í Smáralind.  Kynningin er framlag Knattspyrnusambands Íslands til Heilsu– og hvatningardaga er haldnir verða í Smáralind á vegum ÍSÍ og sérsambandanna um komandi helgi. Munu leikmenn A-landsliðs kvenna verða þar á staðnum. Sjá meira á ksi.is
 

 Á morgun, miðvikudaginn 13. mars, er fyrsti leikur Stjörnunnar í Reykjavíkurmótinu. Mætir Stjarnan þar Val kl. 20:30 á gervigrasinu í Laugardal en áður munu lið Breiðabliks og KR mætast kl. 18:30.
 

Búið er að setja inn leikjadagskrána fyrir árið 2002 undir flokknum LIÐIÐ. Einnig tókst að vinna bug á leiðinlegri villu sem var á síðunni, villu sem varð til þess að villuskilaboð komu á skjáinn í hvert sinn sem smellt var á efnisyfirlitið.
 

LLandsliðsæfingar kvenna standa yfir þessa helgi og á Stjarnan þar nokkra fulltrúa. Hjá U19 eru það Lára Björg Einarsdóttir og Guðrún Halla Finnsdóttir og hjá U17 er það Harpa Þorsteinsdóttir sem heldur uppi heiðri Stjörnunnar.
 

 Blikar hafa á undanförnum dögum fengið liðsauka fyrir komandi tímabil en það eru þær Elsa Hlín Einarsdóttir markvörður sem kemur að norðan frá Þór/KA/KS og Elín Anna Steinarsdóttir sem kemur frá Val
 

 Leikurinn í Reykjaneshöllinni í gærkvöldi endaði 9-2 og fóru fremstar fyrir liði Stjörnunnar kjúklingarnir Auður Lilja og Björk. Á morgun verður svo æfingaleikur á móti KR á gervigrasinu í Laugardal kl. 16
 

 Jæja þá er komið að öðrum æfingaleik og að þessu sinni við Reykjanesliði RKV. Leikurinn verður á föstudagskvöldið í Reykjaneshöllinni. 
 

 Í gær fór fram æfingaleikur við ÍBV í Garðabænum á mölinni en við allt aðrar aðstæður en á laugardag.  Á vellinum var 5 cm snjóþekja og mikil snjókoma til að byrja með. En leikurinn var spilaður og endaði hann 0-2 eins og áður kom fram. Stjörnustúlkur voru velspilandi og voru á köflum óheppnar að setja boltan ekki innfyrir marklínu.
 

Á morgun 17. febrúar er æfingaleikur við ÍBV á mölinni. Leikurinn hefst klukkan 12 og verður það eflaust æsispennandi og skemmtileg viðureign. Áfram Stjarnan!!

 Í dag var æfingaleikur við Val sem fór fram í blíðskaparveðri á mölinni í Garðabæ. Leiknum endaði með jafntefli 2 - 2, það voru Elfa Björk og Guðrún Halla skoruðu mörkin. 

 Endurlífganir standa yfir á þessari síðu, nýr vefstjóri tekin við og ég ætla nú að taka það í mínar hendur að uppfæra hérna á fréttahorninu ef.. ja eða þegar eitthvað gerist fréttnæmt.

Íslandsmótið innanhúss verður haldið dagana 12. og 13. janúar í íþróttahúsinu að Austurbergi og í Smáranum.

Leikir Stjörnunnar lau. 12. janúar í Austurbergi:
14:13 | Stjarnan - Grótta
14:59 | FH - Stjarnan
15:45 | Stjarnan - Valur
16:54 | ÍBV - Stjarnan

Efstu tvö liðin úr riðlinum komast í undanúrslit sem verða haldin í Smáranum sun. 13. janúar.
 

Búið er að setja drögin að deildarbikarnum inn á síðu KSÍ.

Leikir Stjörnunnar eru eftirfarandi:
mið. 20. mars kl. 20 | Stjarnan - Þróttur R. | Gervigrasið Laugardal
fim. 4 apríl kl. 21 | Valur - Stjarnan | Reykjaneshöllin
mán. 15. apríl kl. 21 | Stjarnan - RKV | Reykjaneshöllin
lau. 27. apríl kl. 14 | Stjarnan - ÍBV | Gerivigrasið Laugardal
þri. 30. apríl kl. 16 | ÍA - Stjarnan | Ásvellir
 

Grein úr Garðapóstinum

Vegna hins stórgóða árangurs Lilju Kjalarsdóttur á Íslandsmótinu í Fitness var ákveðið að færa hér inn grein sem birtist um Lilju í Garðapóstinum fyrir nokkrum dögum um undirbúning hennar fyrir keppnina og eru þar einnig nokkrar myndir af henni þar sem sést í hversu góðu formi hún er. En hérna er blaðagreinin.

Lilja í 2. sæti!!

Sérstaklega glæsilegur árangur hjá Stjörnustelpunni okkar!! :)

Þorgrímur í Pennanum